कविता

प्रोटेट कविता

Prakash Rodung
(प्रकाश रोदुङ)
 

 

           उ कोहो ?
थेप्चे नाक,चिम्से आँखा,गहुगोरो
अस्ताउदो बैशको संघार टेक्दै गरेका
औला भन्दा कलम ठूलो
कलम भन्दा हात ठूलो
हातभन्दा टाउको ठूलो
टाउको भन्दा भुडि ठूलो
भुडि भन्दा विचार ठूलो
विचार भन्दा ठूलो विवेक र सम्वेदना भएको

 

उ कोहो ?
बोली झर्रो लेखाई दह्रो
मनको दयालु,ब्याबहार खरो
चिप्लो चाप्लुसी जान्दै नजान्ने
मानवताको सधै ओकालत गर्ने
पिरमार्का रत्तिभर नसहने

उ कोहो ?
मौकामा हिरा फोर्ने
बेमौकामा रत्ति नडग्ने
पाएसम्म जे पनि खाने
अगाडि आएको केहि नछाडने
स्वास्थ्य होकि रोगी
जोगी होकि भोगी

 

उ कोहो ?
सस्कार सस्कृतिको पक्षपाती
देश र माटोको रक्षाबादि
राष्ट्रप्रेमले सधै झांगिएको
बोलीमा हैन ब्याबहारमा लागु गर्न
लैनो जर्सी गाई छाडि
थारो, वकेर्नो सुम्सुम्याउन
स्वदेश फर्किएको
उ हो किराती भोगेन एक्ले?